Mbeya Wananchi wamemnyang’anya Eneo mwekezaji

=>

Wananchi wa Mtaa wa Iwambala kata ya Uyole Halmashauri ya Jiji la Mbeya, wamemnyang’anya muwekezaji  mwenye asili ya Kenya eneo lenye ukubwa wa hekari zaidi ya 15 walilompa, kwaajili ya ujenzi wa shule ya sekondari, baada ya kushindwa kutekeleza makubaliano hayo kwa kipindi cha miaka 13  na badala yake kutumia eneo hilo  kukodisha mashamba.
Wakiwa kwenye mkutano wa Mtaa  wakimtaja mwekezaji huyo kwa jina moja na Saimoni anayedaiwa kuwa na asili ya Kenya ,wananchi hawa wanasema wamefikia uamuzi huo baada ya kuona ni muda mrefu sasa, hakuna hatua zozote za ujenzi katika eneo hilo, wakati mwekezaji huyo aliahidi kujenga shule katika kipindi cha miaka mitatu tangu kukabidhiwa mwaka 2003, na badala yake amekuwa akitumia eneo hilo kukodishia wananchi kulima mazao mbalimbali.
Kutokana na hali hii wananachi hawa wameamua kuchukua eneo hilo na kulitumia kwa matumizi yao .
Channel Ten imemtafuta mwekezaji huyo kwa njia ya simu na katika maelezo  yake amedai yuko nje ya Mkoa wa Mbeya  nakwamba akirejea atolea ufafanuzi suala hilo. = > .

UNGANA NASI FACEBOOK KWA KULIKE PAGE YETU

=>

Filed Under: habari